Ohtani lo por ta bèk komo picher den luna di mei

87
Rehabilitashon di Ohtani di un operashon Tommy John a tarda un poko pa motibu di e desishon pa someté na un operashon na su rudia robes na sèptèmber di aña pasa

ARIZONA, — E batido/picher di Angels, Shohei Ohtani, lo no ta bèk riba montikulo sino te den luna di mei. Sinembargo, lo e ta kla pa kuminsá e kampaña aki komo batido designá,  asina e gerente general Billy Eppler a bisa, na momentu ku e picher- i kèchernan di e ekipo a presentá na sprentrenen.

Rehabilitashon di Ohtani di un operashon Tommy John a tarda un poko pa motibu di e desishon pa someté na un operashon na su rudia robes na sèptèmber di aña pasa, lokual a oblig’é pa warda ku rekuperashon di su èlebog te na final di desèmber.

Despues di un konsulta ku e médikonan i  preparadónan físiko di e ekipo, a keda disidí ku Ohtani lo no ta kla pa picha na komienso di temporada. Pero un bentaha ta ku e tin e oportunidat di realisá apertura di rehabilitashon den Liga Menor sin bai riba e lista di hungadónan leshoná di 10 dia. Pues, e picher derecho práktikamente lo por picha den un wega di liga menor un dia i bira parti di e aliniashon di Angels e dia siguiente.

“Nos pensamentu ta fiha riba meimei di mei komo meta pa Shohei regresá riba montikulo”  Eppler a splika. “lo e por kuminsá e aña si komo Batido Designá, si no tin ningun kontratempu”.