OM ta bai kita vehíkulonan ku espasio sekreto

68
sospechosonan ta bai pèrdè nan vehíkulo tambe
ROTTERDAM—Ministerio Públiko tin intenshon pa ekspropiá vehíkulonan ku espasionan sekreto den kasonan ku sospechosonan a hasi uso di esaki.

Asina fiskal a bisa durante tratamentu di un kaso den korte di Rotterdam ayera. Ta trata di un konsiderashon finansiero segun OM. Pasobra e kantidat di outonan ku espasionan sekreto ta oumentando. Aktualmente sospechosonan ta haña e outo bèk despues ku nan eliminá e esapsio. OM ta bai stòp di duna e outonan bek i lo pidi hues pa kita e vehíkulo for di nan. OM a anunsiá e medida nobo durante e kaso di albanes (21) ku den 2019 a keda detené ku un Audi ku espasio sekreto ku slot elektróniko den e console meimei kaminda tabatin 160.000 euro kèsh. E sospechoso nunka a bisa di unda e plaka a sali. Fiskal a pidi  9 luna kastigu.