Roenicke skohe komo mènedjer interino di Red Sox

77
Medias Rojas di Boston a subi Roenicke di e puesto di  coach di banki pa esun di mènedjer interino,

FLORIDA,– Ron Roenicke a warda kasi sinku aña promé ku el a haña un otro oportunidat

komo mènedjer den Liga Grandi . Ainda e tin ku warda por lo ménos te otro siman pa e sa sigur ku su

nombramentu ta permanente.

Medias Rojas di Boston a subi Roenicke di e puesto di  coach di banki pa esun di mènedjer interino,

pa e remplasá Alex Cora, hustamente riba e dia ku e picher i kèchernan a reportá pa komienso di

sprentrenen.

Ounke no tin un fecha di ekspirashon pa e asuntu di Roenicke, e lo tin un karakter interino tanten

ku e ofisina di Liga Grandi no kaba di kompletá su investigashon ku si Medias Rojas tabata involukrá den un robo indebido di seña durante temporada di 2018, dia ku nan a bira kampeon di Seri Mundial.

Den kaso ku nan eksonerá  Roenicke,  kende semper a ninga di tabata parti di kualkier infrakshon di regla, lo e keda na e puesto.

“Nos ta kere ku e nombramentu di Ron komo nos mènedjer interino ta e mió forma pa  respetá e investigashon ku ta persiguí nos for di 2018, pero nos ta sinti nos bon ku e kapasidat di Ron pa ta na kabes di e grupo”, ta loke e hefe di operashon deportivo di Medias Rojas, Chaim Bloom, a laga sa durante un konferensha di prensa, na víspera di e promé práktika formal di e ekipo.

“Nos no tin motibu pa pensa ku  tin algu mas ku lo por kousa un resultado atverso pa Ron den e investigashon aki”, Bloom a trese dilanti. “Nos ta respetá e investigashon ku ta kanando i nos lo papia di ku si Ron ta keda  òf no despues ku esaki finalisá “. Apénas un aña despues di gana Seri Mundial den su promé kampaña ku Boston, Cora a pèrdè su puesto. Komishonado di Liga Grandi Rob Manfred a identifiká Cora komo e outor intelektual di e strategia di Astros pa roba seña na 2017.