Rojas komo mènedjer nobo di Mets tin konfiansa ku nan lo duna bataya

58
Luis Rojas a fiha su ekspektativa komo mènedjer nobo di Mets di New York

FLORIDA,– Luis Rojas a fiha su ekspektativa komo mènedjer nobo di Mets di New York.

“Nos ke ta kandidato “, e dominikano a splika den su promé konferensha di prensa di pre-temporada. “Nos tin un bon roster, peloteronan grandi, ku variabilidat, un bon rotashon di habridó ku tin e antesedentenan di Cy Young i di Seri Mundial.  Nos tin tambe un bullpen ku a historia den salbamentu di wega”.

Na final di temporada di 2019 New York tabatin  un rekòrt di 46-26 . E tabatin tres wega tras di Milwaukee den e lucha pa e di dos lugá den e  playoff di Divishon.

Jacob deGrom a gana e premio Cy Young di Liga Nashonal pa di dos aña konsekutivo. Pete Alonso a gana e premio di Nobato di Aña den e mesun liga komo lider den Liga Grandi ku 53 homerun. Jeff McNeil a sali di kuater den kompetensia pa e título di bateo den e mesun Liga  Nashonal, ku un promedio di .318.

E mènedjer Mickey Callaway a pèrdè trabou debí na un rekòrt di 86-76 den su di dos  temporada. Carlos Beltrán ku a bin na su lugá no a logra di dirigí ni un solo enkuentro ku Mets.

E portorikeño  a pèrdè e puesto debí na di su partisipashon den e kaso  di robo di seña orkestá dor di Astros di Houston na 2017, tempu ku e tabata hungadó di e ekipo.