Sospechoso ta pidi bitcoins den kartanan ku bòm

75
sospechoso ta menasá ku mas karta ku bòm
AMSTERDAM—E kartanan ku bòm ku a eksplotá ayera den Amsterdam i Kerkrade ta trabou di un estafador ekstorshonista segun polis.

E ta eksigí un suma den bitcoins. E sospechoso ta menasá di manda mas eksplosivo si no paga. Polis no kier bisa kua suma e sospechoso a eksigí, pasobra esaki por stroba e investigashon. Ayera mainta tabatin dos eksplosivo den dos negoshi ku ta atende ku pòst den Amsterdam i Kerkrade. Ayera mainta mester a evakuá un filial di ABN Amro den Maastricht despues ku a haña e envelòp sospechoso. Outoridatnan mester a pidi asistensia di ekspertonan di eksplosivo, pero aki si no tabata un eksplosivo. Luna pasa ABN Amro na Maastricht a haña un karta menasante. Mesun sospechoso posiblemente a manda den mesun periodo kartanan ku bòm pa Rotterdam, Utrecht i Amsterdam. Polis a papia di posibel ekstorshon.