A forma un direktiva nobo pa traha pa BeVeKo

115
Algun di e miembronan nobo di e direktiva.
WILLEMSTAD—Despues ku e direktiva di e federashon beisbòl veterano a tuma nan retiro resientemente, tabata ayera ku miembronan a forma un direktiva nobo, pa asina traha na bienestar di e deporte di beisbòl veterano riba nos isla.

Tur esaki despues ku ekiponan miembro a keda pa manda representantenan pa asina forma e direktiva nobo. Un ke otro, manera a keda palabrá den e último reunion general ku tabatin. Miéntras tantu a reuní ayera nochi, unda a yega na un direktiva nobo tambe, pa asina kuminsá move, despues ku dirigentenan anterior a pone trabou abou. Ayera a forma direktiva transitorio, ku ta presidí pa Ruisandro Cijntje. Roderick Sambo ta e visepresidente. Tesorero ta Vaneska Rosalia-Laker. Sekretaria ta Raduscka Sambo. Miéntras ku e direktor di kampionato, ta Gilbert ‘Mr. Polis’ Denisia.