Albanes detené pa dòbel asesinato Rotterdam

82
rumannan albanes ku a keda asesiná na R’dam-IJsselmonde
ROTTERDAM—Ministerio Públiko di Rotterdam a informá ayera ku resientemente a detené un hòmber relashoná ku e tiroteo den IJsselmonde.

Den e tiroteo ku a tuma lugá 5 aña pasa dos ruman albanes a pèrdè nan bida. E sospechoso ta un albanes di 30 aña. E tiroteo a tuma lugá den un kas den Bovenstraat. E sospechoso a keda detené na Fransia ora e tabata biaha di Turkia pa fransia. Tin sospecho ku e ta e shofùr ku a hiba e sospechosonan na e kas di krímen. Den yanüari 2015 polis a haña melding di un tiroteo den Rotterdam-IJsselmonde. Den e kas na Bovenstraat polis a haña dos hòmber morto. Tabatin señalnan di hopi pelea i kantidat di droga den e kas. Despues di e tiroteo un sospechoso a keda detené, ku tabata prosedente di Albania. OM a eksigí un kastigu di 20 aña pa e dòbel asesinato. Pero e hòmber a keda apsolvé den korte di Rotterdam pa asesinato, pero a haña 4 aña kastigu pa poseshon di droga i arma. OM a apelá e sentensia. Korte di Apelashon mester a duna veredikto siman pasa pero esaki a keda posponé debí na detenshon di e di dos sospechoso. Djamars a presentá e sopsechoso nobo dilanti hues komisario ku a prolongá su detenshon.