Báez a bira promé hungadó ku ta gana arbitrahe den 2020

47
E relevista di Dodgers, Pedro Báez, a bira e promé pelotero ku e aña aki ta gana  arbitrahe salarial, e lo bai gana kuater mion dòler, en bes di e 3,5 mion ku e klup a ofres’é.

PHOENIX ,– E relevista di Dodgers, Pedro Báez, a bira e promé pelotero ku e aña aki ta gana  arbitrahe salarial, e lo bai gana kuater mion dòler, en bes di e 3,5 mion ku e klup a ofres’é.

E picher derecho dominikano, ku otro luna ta bai kumpli 32 aña, tin un rekòrt di 7-2 i un efektividat di 3.10 den 71 aparishon komo relevista durante kampaña último. El a tira 69 ponche den 69 inen i dos tèrsio i a duna 23 base por bola.

Aña pasa el a gana un salario di 2,1 mion dòler i e por bira agente liber na final temporada.
E integrantenan di e pènel di arbitrahe, Robert Herman, Jeanne Charles i Margaret Brogan, a tuma e desishon djarason ei, un dia despues di a skucha e argumentunan.

Den e promé kuater kasonan di e aña aki, tur bia e klupnan  a sali viktorioso . Dodgers tabatin outfilder Joc Pederson, Minnesota e picher portorikeño José Berríos, Atlanta e relevista Shane Greene i Colorado e kècher  Tony Wolters.

Eduardo Rodríguez, djarason a presentá su argumentunan pa Medias Rojas di Boston subi su salario te na 8.975.000 dòler, en bes di los 8,3 mion ku e klup a ofresé. E picher derecho venezolano, ku na aprel ta kumpli 27 aña, tabatin e mihó rèkòrt di su bida den temporada  anterior, di 19-6, ku un efektividat di 3.81 den 34 apertura.

El a gana 8.975.000 dòler  aña pasa, i e por bira agente liber na final di temporada di 2021.

E kaso a wòrdu atendé dor di Steven Wolf, Walt De Treux i Melinda Gordon, ku a publiká nan desishon ayera.

Ainda tin ocho hungadó pendiente pa haña oudiensia di arbitrahe, ku ta kontinuá te dia 21 di febrüari .