Drone riba prizòn kaminda Taghi ta enkarselá

72
posibel vinkulo entre drone i kriminal Taghi
VUGHT—Hustisia a tuma mas medida di seguridat despues ku a señalá un drone riba e prizòn na Vught e siman aki.

Asina fuentenan digno di kredito a informá prensa. Den e ala ku èkstra seguridat (EBI) den prizòn di Vught, e fugitivo ku tabata mas buská na Hulanda ta enkarselá, esta e lider di organisashon mafia Mocro, Ridouan Taghi. Hustisia no por bisa ku e insidente ta relashoná ku e kriminal Taghi. Ta trata di un drone profeshonal, ku lus i èkstra kámara. Pasobra no tabatin klaridat di ken i dikon e drone tabata riba e instituto penitensiario, a yama polis. Tambe a pidi asistensia di helikòpter. Segun OM polis no a haña e drone. Un bosero di instituto hudisial DJI a konfirmá ku a señalá un drone. No ta promé biaha i personal a reakshoná di forma korekto i yama polis, ku a hasi investigashon. Hustisia no a duna informashon di prosedensia di e drone ni riba posibel medidanan di seguridat.