Jean Julien Rojer i Horia Tecau eliminá den torneo na Rotterdam

155
Jean Julien Rojer i Horia Tecau.
HULANDA—E tenista Yu di Kòrsou, Jean-Julien Rojer i su duo e rumano Horia Tecau, a keda eliminá for di e torneo internashonal di tènis, “ABN AMRO World Tennis Tournament 2020”.

Un ke otro ayera, ora ku nan a kai vensí den wega bálido pa kuartfinal di e evento, ku ta hungando na Rotterdam Hulanda.

Jean Julien Rojer i Horia Tecau a sufri derota ku skor di 6-2, 3-6 i 10-7, na man di e duo formá pa e tenista kanades Denis Shapovalov i e indio Rohan Bopanna.

E duo formá pa tenistanan Rojer i Tecau a gana e torneo aki na aña 2015. Tambe nan tabata na 2 okashon mas den final, unda nan a keda kòrtiku i mester a konformá ku e segundo puesto. Un ke otro tabata e kaso tambe aña pasá ora ku nan a topa ku e franses Jeremy Chardy i finlandes Henri Kontinen, den e lucha pa e titulo máksimo.