Karta ku bòm ta eksplotá den kantor ING Amsterdam

94
polis investigando na kantor di ING Amsterdam
AMSTERDAM—Den kantor prinsipal di ING na Amsterdam un karta ku bòm a eksplotá, un persona a inhalá huma.

E persona a keda kontrolá pa personal di ambulans i ta den bon kondishon. Segun ING e bòm a eksplotá ora e trahadó di banko a habri e karta. Esaki a tuma lugá larededor di 12:00. Polis a start un investigashon den e kantor na Bijlmer. Ekspertonan di EOD a yega na e sitio pa investigashon di e eksplosivo. Ayera mainta a haña un karta ku bòm tambe den un negoshi den Leusden. Esaki no a eksplotá i a keda desaktivá pa EOD. E siman aki ya tabatin dos bòm ku a eksplotá den Amsterdam i Kerkrade. Kriminalnan responsabel ta eksigí bitcoins òf nan ta menasá ku manda mas karta ku bòm.