Leroy Fer a anotá pa Feyenoord gana SC Heerenveen 1-0

172
Leroy Fer.
HULANDA—E mediokampista Leroy Fer a anotá e úniko gol di wega ayera, pa asina Feyenoord gana di SC Heerenveen i pasa pa semifinal di KNVB Beker. Tabata wega ku a hunga den stadion Abe Lenstra, unda 5 mucha di nos tabata den akshon, ku tur hungadó durante di hinter 90 minüt di wega.

Pa Feyenoord tabata den akshon e mediokampista Leroy Fer, kende a anotá e úniko gol di partido na di 15 minüt i tambe risibí karchi hel na di 30 minüt di e parti inisial i tambe e defensanan lateral Lutsharell Geertruida i Tyrell Malacia.

Miéntras ku e ekipo di SC Heerenveen, Sherel Floranus i Ricardo van Rhijn tambe a hunga kada unu 90 minüt. Ta trata aki tambe di defensanan ku ta hunga riba ala, pa nan ekipo.