Louisa i Constancia den kompetensia di bodybuilding na Colombia

236
Sandy Louisa.
COLOMBIA—E atletanan lokal Sandy Louisa di 39 aña di edat i tambe Runell Constancia di 34 aña di edat, ta bodybuildernan lokal, kende lo kompetí awe djabièrnè dia 14 febrüari 2020, na Colombia.

Un ke otro na Medellin den e evento di bodybuilding amatùr, pa loke ta “Mr. Olympia Amateur South America 2020”. E deportistanan aki lo ta representando nos isla, unda lo bai tin diferente otro atleta mas den kompetensia, pa loke ta e diferente kategorianan ku tin. Ta trata aki di evento, tantu pa partisipantenan maskulino, komo femenino.

Ámbos di Kòrsou su representantenan, kende lo ta den kompetensia entrante awe, pa loke ta e evento ku ta ranka sali awe pa finalisá djadumingu awó, ta miembronan di e gym na Sambil, unda nan ta praktiká riba nos isla i lo ta kompetiendo den kategoria ‘Men’s Physique’ di e evento internashonal aki.