Minister Camelia Romer: A tuma tur medida nesesario pa si Coronavírus mester yega

388
Minister Suzy Camelia-Römer

Willemstad,– Minister Suzy Camelia Romer a bisa durante reunion públiko di parlamento ku e preokupashon mundial ta ku si e Corona vírus  aki mester yega den paisnan ku ta suak pa prepará pa esaki. E minister ta bisa ku den nos sistema nos tin un divishon di tarea ku na su opinion den sirkunstansianan  ku ta salubridat públiko esaki ta bon regla.

Minister ta bisa ku su persona mester sòru pa tuma medidanan ku ta protehá salu di e pueblo i si bai spesífikamente tokante di e vírus aki, e mester tuma medidanan ku mas tantu ta prevení pa e vírus sprei.

Señora Camelia Romer a bisa durante di reunion públiko ku ta imposibel ku den un mundu kaminda hende ta bula bai tur kaminda, por evitá ku un vírus asina ta kana bai rònt mundu.

Minister ta disidí basa riba lei i e maneho di salu mundial i di PAHO ku ta tuma sierto medidanan huntu ku su ministerio.

E ta sigui splika ku Minister ta den konkordansia ku otro ministernan den Karibe atraves di un órgano ku ta mail tur e ministernan pareu. Minister ta bisa ku e ta den kontakto ku ministernan di Aruba i Sint Maarten i ta den kontakto ku su ministerio tur dia. E ta bisa ku hinter e tim inter disiplinario i e ministerio ta den kontakto ku minister konstantemente. Pues na nivel polítiko responsabel, minister ta kontinuamente okupá pa hasi mas tantu posibel pa evitá ku e vírus ta yega akinan. E ta bisa ku Kòrsou a kuminsá prepará promé ku WHO a bisa ku esaki ta un “international emergency”.