MLB a anunsiá kambionan di regla pa 2020

147
MLB a bini ku kambio den diferente regla pa temporada 2020 i tin plania pa bini ku mas na 2021.

NEW YORK,– Ofisina di Liga Grandi ta sigui ku e  implementashon di kambio den e reglanan ku tabata na kaminda pa e temporada aki, loke ta inkluí entre otro e rekisito ku un picher mester enfrentá por lo ménos tres batido òf e mester kaba di sera mitar inen promé ku e keda kambia.

Tin un eksepshon riba e regla aki i esei ta solamente den kaso di leshon. E kambionan a keda akordá dor di Liga Grandi i e sindikato di e peloteronan  for di aña pasa 8 di mart, pero mester a warda riba análisis di un komishon . E obligashon pa enfrentá por lo ménos tres batido ta  drenta na vigor  for di weganan di sprengtrenen ku ta programa pa kuminsá dia12 di mart próksimo.

Na 2.162 okashon durante aña pasa, e picher a enfrentá  tres òf  ménos batido, di akuerdo ku  Elias Sports Bureau. Sin embargo, 1.471 di e pichernan aki a kaba e mitar inen. E límite den e roster di pelotero aktivo ta subi ku unu, pa bira 26 riba e dia inougural te ku  31 di ougùstùs . E kantidat di 40 despues di e fecha ei ta baha bira  28 te na final di temporada regular  pa despues bolbe baha na 26 pa  post temporada. Tur klup por tin un máksimo di 13 picher te ku 31 di ougùstùs i durante playoff. Dia 1 di sèptèmber e kantidat ta bira 141 i keda asina te na final di temporada regular. E peloteronan ku tin por lo ménos 20 inen picha òf ku for di kuminsamentu a partisipá den 20 enkuentro komo hungadó di posishon òf batido designá ku por lo ménos tres aparishon na plato durante e kampaña promé lo por fungi komo picher sin ku e mester wòrdu konsiderá komo tal den e límite di e kantidat  E aña aki, un pelotero por usa e statistik di 2018 òf 2019 a fin di kumpli ku e rekisito aki. Ta prohibí pa un hungadó di posishon picha te na final di e di nuebe inen, a ménos ku su ekipo ta ganando o pèrdiendo ku diferensia di seis kareda òf mas na momentu ku e subi riba  montíkulo. E lista di hungadónan leshoná i e periodo mínimo pa konvoka un picher di nobo ta keda oumentá di 10 pa 15 dia. Ta trata aki di un inisiativa pa redusí e uso di relevista dor di ekiponan ku frekuentemente ta  hunga e wega di kambia nan pichernan entre Liga Grandi i Liga menor. E periodo mínimo di shete dia ku un hungadó por keda riba e lista di hungadó leshoná pa motibu di un problema serebral no ta kambia. E tempu ku e mènedjernan por desafiá desishon di e umpirenan i solisitá  revishon di e video ta keda  redusí di 30 pa 20 sekònde.