Polis investigando karta sospechoso na Leusden

41
otro karta ku bòm
LEUSDEN—Polis ta investigando un karta sospechoso ku habitantenan a deskubrí den e bario di Utrecht, Leusden.

E karta a drenta den un kompania di software Unisys ku ta traha riba tráfiko di pago. No tabata sigur si ta trata di un karta ku bòm. Explosieven Opruimingsdienst a yega na e sitio pa hasi investigashon. Tambe apidi asistensia di brantwer i personal di ambulans. Polis no a haña nesesario pa evakuá e edifisio. Ayera dos karta ku bòm a eksplotá den Amsterdam i Kerkrade. Ningun hende a keda heridá. Segun polis ta un hende ku kier ekstorshoná kompania ta tras di e atentadonan, eksigiendo bitcoins. Luna pasa tambe a deskubrí algun kartanan ku bòm serka kompanianan den Rotterdam, Utrecht i Amsterdam. No ta konosí si tin un relashon entre e karta di Leusden i esnan di djamars. Despues di e insidentenan polis a publiká un foto di e kartanan ku bòm. Ta pidi kompanianan pa ta alerta riba envelòpnan un tiki diki, ku dos stampia ku e adrès plastifiká.