Polis investigando manchanan di sanger dilanti edifisio den Hoogstraat

820
Willemstad— Ayera mainta e tim Forensiko i tambe reshèrshi táktiko tabata den Hoogstraat pa asina hasi investigashon na mancha nan di sanger ku a bin topa kuné.

Ayera mainta a pidi presensia di Polis den Hoogstraat na Otrobanda nèt na altura di un kompleho di apartamentu pa manchanan di sanger ku a bin topa kuné. Tabata nèt na e entrada di e kompleho di apartamentu a bin topa ku un mancha di sanger basta grandi i tambe por a mira ku e mancha a sigui bai pabou. Mesora a sera e aria pa asina e tim Forensiko por a hasi mas investigashon. Na e mancha i tambe spatnan di sanger por a saka afó ku sigur ta un persona a ser hinka ku un opheto skerpi i esaki tabata basha sanger. E kaso ta den investigashon.