Tatis ta salu i kla pa reanudá su produkshon

45
Tatis a bisa ku e tambe a tende di un rumor ku ta alegá ku si e lo por mira akshon den e springtrenen aki.

ARIZONA,– Despues di un periodo trankil na  Repúblika Dominikana, Fernando Tatis Jr. ta  bon di salú i ta ketu bai e shòrtstòp di Padres.

Tatis, ku tabatin un di e mihó temporadanan di nobato den historia di Padres, a yega springtrenen  djamars. E dominikano  a rekuperá forsa despues di a sufri un leshon na e parti inferior di su lomba pa motibu di kual el a pèrdè e último luna i mei di temporada 2019.  E ta kla pa pre-temporada.

Tatis a bisa ku e tambe a tende di un rumor ku ta alegá ku si e lo por mira akshon den e springtrenen aki. E oriundo di San Pedro de Macorís a bisa tambe ku e no tabatin kombersashon al respekto ku niun hende di e organisashon, pero el a afirmá si ku e ta kla pa kualke posibilidat ku presentá.

“Si nan tin mestér di mi, lo mi tei pa hunga”,Tatis a  terminá bisando.

Momentonan despues, e gerente general di Padres, A.J. Preller, a bari e idea kompletamente for di mesa. Ora nan a puntr’é si Tatis lo por mira akshon den e springtrenen aki e ehekutivo a papia palabra kla: “E lo no t’ei, Preller a duna di konosé.

Pero e rumornan tin base. Durante temporada morto, Padres tabata eksplorá e posibilidat di atkerí e shòrtstòp portorikeño di Cleveland, Francisco Lindor den un kambio.