Trio ku a bai hòrta heru fo’i edifisio den konstrukshon detené

228
Willemstad—  Polis a logra di detené tres hòmber i tambe konfiská un bus despues ku a haña informashon ku nan lo tabata hòrtando riba un tereno unda tin konstrukshon na Promenade.

Den oranan di anochi Polis a haña e informashon ku riba un tereno na Promenade na unda ta konstruyendo un edifisio algun tipo mester a presentá pa hòrta. Polis mesora a bai na e sitio i enbèrdat a bin topa ku tres hòmber kual mesora a keda detené. Ta sospecha ku e trio aki tabata na e sitio pa hòrta heru i tambe kier a wak kiko tin pa hòrta den e kònteinernan. Tur tres a keda detené i tambe a konfiská un vèn bus ku nan a yega na e sitio den dje.