Vesta den Grupo A di “Concacaf Caribbean Club Shield 2020”

669
Vesta, kampion di Kòrsou.
WILLEMSTAD—Ayera tabatin loting pa loke ta e torneo internashonal di ekiponan kampion di islanan di Karibe. “Concacaf Caribbean Club Shield 2020”. Ta trata aki di torneo ku meskos ku na 2019, e aña aki tambe lo hunga na Kòrsou, ku partisipashon di 15 ekipo, durante di e periodo di 3 pa 12 aprel próksimo den SDK.

E ekipo kampion di Kòrsou lo bai ta parti di grupo A, ku e ekiponan di Barbados Defence Force Sports Programme (Barbados), Club Franciscain (Martinique) i South East FC  (Dominica).

Grupo B ta konta ku Inter Mongoe Tapoe (Sürnam), Metropoliton Football Academy (Puerto Rico), FC Santiago de Cuba (Cuba) i Scholars International SC (Cayman Islands).

Grupo C ta konta ku One Love United FC (VGB), Liberta Blackhawks SC (ATG), RCA (Aruba) i Amical Club D’Erang Noir (GLP).

Miéntras ku Grupo D ta konta ku Besco Pastures FC (VIN), Real Rincon (Boneiru) i Platinum FC (LCA).