UEFA  por sanshoná Vinicius pa deklarashon hasi ku Real ta keda perhudiká pa arbitrahe

163
Fot vincent: Vinicius den deklarashon a duna di konosé ku rèfri ta flùit kontra di nan den Santiago Bernabeu. Esaki den aria di 16 chikí ken a tir’é afó, rèfri??
 

MADRID,  – E deklarashon di Vinicius kayente despues di partido segun su opinion tabata un arbitrahe kontra di  Real Madrid. E partido a keda pita pa e italiano Daniele Orsato, miéntras ku e reakshon di Vinicius lo por kosta e hungadó brazilero un suspenshon.

Tekstualmente e la bisa lo siguiente: “Nos no senk niun ora físikamente.  Gabriel Jesús a kometé falta den e promé gol.  Tur hende sa bon bon.  Paso den e promé parti e la pasa kumi i Mahrez, i e la pita falta kontra dimi.  E tin VAR i no tabata kera bai waké. Semper nan ta bin akinan i pita kontra di nos. Ami den kancha a mir’é komo falta, ami no mester bai wake mes den kamerin. Aki den (Santiago Bernabeu) semper nan ta flùit kontra di nos. Den e partido kontra di Levante e promé karchi kontra di Sergio (Ramos) no tabata foul, no ta algu normal”.

Si nan pita kontra nos, nan por gana? Sí, sí. Nos ta ekipo ku mas Champions i mas”.

Awor despues dje deklarashon aki mester bai warda kiko UEFA ta hasi ya ku e hungadó madridista lo por keda eksponé na un  prosedimentu pa su deklarashon hasi.

Esaki lo por terminá mínimo den suspenshon di un partido, sigur despues di konsiderá e manifestashon di “kondukta antideportivo”, basa riba artíkulo 15 dje Kódigo Disiplinario di UEFA.

Tur esaki por suponé ku e lo no ta bai ta riba banki den e partido di buèlta kontra di Manchester City den Etihad Stadium pa ekipo blanku. 

Aunke den otro kaso ta ku  Real Madrid por rekurí semper na un Apelashon òf  inkluso di bai TAD pa solisitá medidanan kontra nan hungadó. Den e pió esenario inkluso e por risibí un kastigu di tres partido. 

Vinicius ta típiko hungadó ku prensa madrileño a hasié strea promé ku e yega Real Madrid mes. E la haña tur klase di oportunidat pa demostrá i no hasié, es mas na Real nan no sa duna un hungadó hopi chèns asina paso mesora ta deshasí di dje. Pues ta hopi pasenshi tabatin kuné.  

At’akí e rèkòrt di Vinicius den Real Madrid: “E delantero brazilero tin tres temporada ku Real Madrid  na unda e la skor 3 gol ( Champions League, Copa del Rey, La Liga, Audi Cup 1, Champions Cup).

Vinicius Junior e temporada aki tabatin 4 asists den e kantidat di 2954 minüt ku e la hunga, na 12 okashon e tabata titular, miéntras ku e otro partidonan e la drenta komo suplente.

Resumiendo e delantero brazilero ku su aktual ekipo den tres temporada (3 aña) a skor 7 gol den un total di 73 partido ku e la disputá.

Vinicius Junior su averahe di tira riba gol pa wega ta di  0.09.  E temporada anterior tabata di  0.21 goal pa wega.