Chaika a graba un piesa nobo den kombinashon ku ADJE di Hulanda

73
“Stinki” ya a kuminsá zona na diferente radio emisora lokal.

WILLEMSTAD,—-E popular kantante den género di Urban Chaika un biaha mas ta bolbe trese otro piesa nobo riba merkado i esaki e ta hasié den kombinashon ku e artista di Hulanda ku ta ADJE. Titulo nan e piesa nobo ta “Stinki”.

Ta trata aki di un produkshon di Getamilli i Jay Stax. T’asina ku ‘E Mulina’, a keda poné na altura ku for  di awe tur hende ku ta gusta e género musikal di Urban, por yama bo radio emisora preferí i solista e piesa nobo di Chaika i ADJE.

Mas aleu mester bisa ku e artista ADJE, kual no ta un deskonosí den industria na Hulanda, a uni su mes huntu ku Chaika pa asina trese un tremendo piesa riba merkado. Mester bisa ku e artista Chaika a sali brabu e aña aki,esaki ta nifiká ku Chaika tin plan nan grandi durante 2020.

 

Tambe ‘E Mulina’, a bin ta tuma nota ku e género musikal di Urban a bolbe lanta kabes, mes un kos ku algun aña tras di lomba. Esaki sigur ta bon pa nos farándula,kaminda ku diferente género musikal a drenta aña 2020 ku intenshon nan hopi serio,esaki ta pone ku manera e temporada difísil aki ta tras di lomba,nos farándula lo bai ta mas kayente ku e konfó di Shon Ka. Kòrda ku for di awe bo por yama i pidi pa e piesa nobo di Chaika i ADJE ku ta karga di titulo “Stinki”.