E fecha nobo pa e selebrashon di ERA ta 30 di aprel

99
Awor nan selebrashon lo bai ta dia 30 di aprel.  

WILLEMSTAD,—-Dia 11 Aprel próksimo, tabata e intenshon pa e Agrupashon musikal ERA  selebrá nan di 38 aña di eksistensia den mundu farandulero lokal huntu ku FERNANDO VILLALONA i su Orkesta for di Repúblika Dominikana tambe GENTZ TRE’CHIC.

T’asina ku e sitio kaminda ku e MATHEY WERF, Otrobanda.

Na e momentunan aki, mundu hinter ta keda asotá pa e Covid-19, regularmente yamá  Coronavírùs i Gobièrnunan di mayoria pais ta tumando medidanan pa kontené e plamamentu di e vírùs aki den nan respektivo pueblonan. Kòrsou no ta eksepshon i den kuadro aki, nos Gobièrnu a tuma e desishon ku lo no duna pèrmit te próksimo aviso pa eventonan kaminda ku lo bai tin un aglomerashon grandi di hende. E organisashon di E.R.A. teniendo kuenta ku e desishon aki di Gobièrnu, lo posponé su grandioso Selebrashon di 38 aña di dia 11 Aprel awor.

E organisashon ta hopi positivo ku den un tempu hopi korto e restrikshonnan lo wòrdu lantá i p’esei e organisashon a opta pa skùif e fecha di e Fiesta di Selebrashon awor pa dia 30 Aprel 2020. Naturalmente, tur esaki lo keda na diskreshon di e outoridatnan konserní ku lo tin ku duna e lus bèrdè pa ku e realisashon di e Selebrashon históriko aki ku lo bai konta ku mesun kombinashon di Fernando Villalona i su Orkesta, GENTZ i naturalmente ERA.