Yarzinho“Zinho”Tielman awor ta forma parti di Extazz

103
Awor e ta forma parti di “Extazz” na Hulanda.

WILLEMSTAD,—-Di informashon ku a drenta na mesa di redakshon di ‘E Mulina’, ta bai rondó di e eks músiko drùmer ku den pasado tabata forma parti di Dolce Banda. Aki ‘E Mulina’, ta referí na Yarzinho “Zinho”Tielman.

T’asina ku nos fuente na tera friu a bisá ‘E Mulina’, ku e eks músiko ku den pasado tabata forma parti di Dolce Banda i ku awor e ta biba na Hulanda ta moviendo ku e formashon musikal ku ta karga di nòmber “Extazz”. Nos a keda pone na altura ku “Zinho” ta move tantu riba drùmer i tambe timbal.

Mester bisa ku último toka nan “Zinho” a bin ta profilá bon den Extazz y esaki a pone gerensia di e agrupashon musikal yega na e desishon pa inkorpor’é den e banda. Mester bisa ku “Extaz”z ta moviendo bon na Hulanda, un banda ku ta toka varia i ta move den tur gremio.

Netamente algu pa “Zinho”, mirando ku ta for di un banda ku ta toka varia e ta bini, i esaki ta Dolce Banda. ‘E Mulina’, ta deseá Zinho, un músiko super talentoso, tur klase di éksito den e reto nobo den e formashon musikal “Extazz” na Hulanda,“Zinho” kòrda keda saka kara manera ku semper bo tabata hasi den Dolce Banda.