Ban sigui ta kouteloso siguiendo medidanan…

107
Fanatikonan di deporte lokal, ku sigur tambe ta duna di nan parti den e periodo difísil ku nos isla i mundu kompletu, ta den aktualmente.
WILLEMSTAD—Kòrsou meskos ku demas paisnan na tur parti di mundu ta sigui pasa den momentunan difísil. Esaki relashoná ku e Coronavirus, unda ku sea tin personanan malu i/òf otro nan ku ta kumpliendo ku demandanan pa asina evitá ku esaki ta sigui plama.

Na Kòrsou un ke otro no ta un eksepshon, unda ku outoridatnan lokal, a tuma algun medida di prekoushon. Esaki naturalmente pa asina por ta mihó pa nos dushi Kòrsou i su habitantenan i demas, unda tur kos lo por ta bou di kòntròl i bon kordiná.

Esaki naturalmente ta trese kuné, ku kosnan kustumbrá i ku tabata wòrdu hasi diariamente no ta sigui. Un ke otro por krea momentunan ku tòg por sinti nan falta i por pensa otro. Naturalmente semper mester pensa tòg kiko e motibu real ta i pa tòg un i tur keda kabes friu i dediká, kumpliendo ku eksigensianan, pa evitá ku por tin lamento despues.

Tur esaki unda lo tin ku sigui ta den kas mas ku kustumber, i tambe alehá di kustumbernan diario. Relashoná ku esaki ta kreando i pasando entre otro programa i/òf eventonan, pa asina tòg un i tur ta por tin un òf otro dedikashon i pasa tempu.

Pues ban sigui instrukshonnan, si no mester, no sali kas i laba man i evitá kontaktonan, manera ya un i tur ta na altura di dje, pa evitá lamento.

Deporte Vigilante tambe ta uni na e mihó deseonan, ku nos pueblo, i sigur tur nos deportistanan por sigui instrukshonnan i kuida kurpa i famia, pa asina na momentu ku tur kos ta tras di lomba, por sigui ku i den nos tur su ramonan deportivo, manera tabata kustumber.

Pues ta konta ku abo tambe, komo dirigente deportivo, deportista i tambe fanátiko i òf siguidonan di deporte…

Mirando ku ya diferente gran evento a keda posponé, próksimamente lo bai tin espasio pa esakinan tur sigui, huntu tambe ku esnan lokal, komo tambe na otro partinan di mundu, ku ta un konfirmashon, ku lo bai tin deportenan pa no kaba pa por sigui i disfrutá di dje. Pues ban ta ku pasenshi i kuida…