FFK pendiente pa desishon di komishon disiplinario

108
Algun miembro di direktiva di FFK.
WILLEMSTAD—Dirigentenan di Federashon Futbòl Kòrsou ta pendiente pa e desishonnan di e komishon disiplinario di e federashon. Esaki pa loke ta dos diferente kaso di agreshon ku a tuma lugá den futbòl lokal últimamente.

Ta trata aki di e kasonan, unda ku primeramente den minütnan final di e wega bálido pa terser divishon FFK, miembronan di Haitian Union Klub i C-Stars United a bringa ku otro riba tereno di wega den Stadion Ergilio Hato.

Miéntras ku seguidamente tabata den wega bálido pa segunda divishon FFK, ku tambe a hunga na Sentro Deportivo Kòrsou, ku a surgi un pelea entre miembronan di Willemstad i Indekor.

Den e kaso di e ekiponan di C-Stars i Haiti, tin 7 diferente miembro temporalmente suspendé. Di esakinan 7 ta di e organisashon di Haiti, unda tur 7 ta den e di 2 siman di nan di 2 alargashon di suspenshon temporal di 2 siman kada unu.

Esaki ta trese kuné, ku e siman aki lo mester tèrminá e investigashon, unda e verediktonan lo bira konosí, òf dado kaso e periodo vense, sin ku tin un desishon konkreto, nan lo keda liber, a base di reglanan konkreto, manera ku un dirigente tambe a konfirmá.

Miéntras ku den kaso di e 4 miembronan, repartí den 2 di Willemstad i otro 2 di Indekor, esakinan ta den nan promé periodo di suspenshon temporal di 2 siman i por keda alargá ku un periodo di 2 siman mas, e siman aki.

Un ke otro dado kaso ku ainda no yega na desishonnan konkreto, ounke ku tambe for di e siman aki, desishonnan por ta konosí.