Problemanan registrá den prizòn kolombiano ta okashoná 23 morto

42
Prizòn unda e situashon aparentemente a sali for di man den oranan di djasabra último.

BOGOTA – Un total di 23 presu a pèrdè nan bida i otro 83 mas a resultá heridá den e prizòn Modelo, di Bogota. Esaki durante problemanan ku a keda registrá na diferente prizòn kolombiano komo protesta di entre otro limpiesa.

Segun informashonnan ku tin, kosnan a sali for di man den oranan di djasabra tras di lomba na momentu ku presunan tabata reklamá i protestá pa falta di limpiesa i elementonan pa prevení kontagio di e coronavírùs.

Mas aleu a indiká ku komo resultado di e intento di fuga di Modelo, un total di 23 presu a pèrdè nan bida i otro 83 mas a resultá heridá. Di esaki nan tin un total di 32 ku ta interná den diferente sentronan médiko di e pais.