545 kaso nobo, total 4749 hende kontaminá

108
kantidat di kasonan corona ta sigui krese, total 4749
DEN HAAG—Den último 24 ora, 34 hulandes mas a muri di e vírùs di corona, segun Instituto di Salubridat RIVM.

Esaki ta 9 morto menos ku den fin di siman, pa un total di 213 morto. Den 24 ora un kantidat di 545 hende a tèst positivo pa corona, loke ta hasi e total 4749 hende kontaminá. RIVM ta enfatisá ku e kantidat total di kontaminashonnan ta mas pasobra no ta tur hende ta tèst. Ultimo dia tabatin un kantidat rekòrt di 242 pashèntnan den hospital. Tin un total di 1230 pashènt interná den hospital. Den fin di siman RIVM a anunsiá ku 43 hende a muri den 24 ora di coronavirus, ku tabata e kantidat mas haltu di morto riba un dia. Tantu djabièrnè komo djasabra RIVM a mèldu 30 morto riba un dia. Mayoria kaso ta bini di provinsia di Noord-Brabat, esta 1558, sigui pa Zuid-Holland (647) i Noord-Holland (600). E siman aki ta krusial pasobra mester evaluá ki efekto e medidanan tabatin pa kontene e brote di kontaminashon, segun RIVM.