Gobièrnu ta neglishá efektonan indirekto di Covid riba ekonomia

129
Punda—E kompanianan ku mas ta bai sufri na man di gobièrnu pa lokual ta trata efektonan di Covid-19, ta esnan ku no ta relashoná ku sektor turístiko, esta komersio general.

Kontrali na sektor turístiko, tur demas kompania na Kòrsou mester sigui paga nan impuesto i primanan sosial. Esaki ta nifiká ku e modelo di pronóstiko uzá pa gobièrnu, ta neglishá kompletamente e relashon entre desempleo i demanda general den e pais. Na momento un kantidat di 16 mil persona pèrdè nan trabou na Kòrsou debí na un “shut down” den sektor hotelero e efektonan at sigui lógikamente den e sektor di komersio general. E demanda kolektivo ta disminuí di ta forma ku e kolektividat komersial na Kòrsou lo sinti e efektonan. Pa tal motibu, miéntras gobièrnu no por garantisá re-pago di 80% di salario den sektor hotelero, no ta lógiko pa eksihí komersio general si di paga impuesto riba benta i primanan sosial.