Hopi mayor kier saka nan yu studiante for di Hulanda

Debí na pániko di coronavírùs:

4624
Minister Camelia Romer ta kompronde e preokupashon
WILLEMSTAD—Aki na Kòrsou ta bibando un pániko serka diferente mayor ku tin nan yunan studiando na Hulanda. E proyekshonnan ta ku e kasonan di coronavírùs lo sigui subi na Hulanda. Ayera. minister Suzanne Camelia Romer a splika na e mayornan pa tene pasenshi pasobra por lo pronto nan no por subi avion.

Ayera a bin aserka 545 kaso nobo di personanan infektá ku coronavírùs na Hulanda. Aparte di esei ta asina ku 34 hende mas a fayese na Hulanda. For di siman pasa redakshon di Vigilante a risibí yamada di mayornan preokupá ku e situashon na Hulanda. Nan ta asina desesperá ku nan kier saka nan yu for di Hulanda. E yunan aki a bai pa studia. Ta asina ku Vigilante a komprondé ku nan no ta kedando kla pa logra trese nan yu. E asuntu aki tin nan preokupá, paso nan ta tumando nota un kresementu pa lokual ta trata e sifranan di esnan ku ta hañando coronavírùs i muriendo di esaki. N’e momentunan aki Kòrsou no por hasi nada pa nan, debí na e maneho di Hulanda i di Kòrsou pa siguridat nashonal