Mas di 350 mil kaso di personanan afektá pa coronavírùs na mundu

49
E situashon mundial kada dia di nobo ta mas serio debí na plamamentu di e vírùs aki.

MUNDU – E ekspanshon di e coronavírùs a subi spit i e number di personanan kontaminá na mundu ta kresiendo riba un ritmo práktikamente eksponensial ku 100.000 víktima diagnostiká den e promé dianan di pandemia, miéntras entre tantu a surpasá 350.000 den apénas 15 dia adishonal.

Segun a keda indiká, a tuma 67 dia for di e promé paso pa yega na 100.000 kaso, 11 dia pa e próksimo 100.000 kaso mas i solamente 4 dia pa haña otro 100.000 kaso, na kua nos ta awe.

E kasonan konfirmá di coronavírùs na mundu ta mas di 350 mil i esnan ku a fayesé tambe a surpasá 15 mil.

Vários shen mil di personanan na mundu ta será den nan bibiendanan òf tin e libertat di movementu restringí pa asina fòrsa e aplikashon di rekomendashonnan esensial, ku ta konsistí di ku hende tin di mantené nan distansia pa evitá transmishon di e vírùs.