Rutte: ‘Lockdown’ kompleto no ta nesesario ainda

128
but di 400 euro si no kumpli ku distansia di 1.5 meter
DEN HAAG—Gabinete Rutte a enfatisá durante un konferensia di prensa ku ta sigui tuma mas medida kontra corona pero ku un ‘lockdown’ kompleto no ta neseario.

Gabinete Rutte a introdusí un but di 400 euro si hendenan no ta tene e distansia di 1.5 meter. Minister Grapperhaus a bisa ku burgemeesternan ta haña e oportunidat pa pone prohibishon di grupo spesifiko na lokalidatnan manera playa. Bishita den propio kas mester keda limitá na máksimo tres hende. Mas aleu gabinete a anunsia ku tur evento den Hulanda ta keda prohibí te 1 yüni. Esaki ta konta tambe pa eventonan ku menos di 100 hende, segun minister di Hustisia Grapperhaus. Tur medida lo keda reforsá ku but. Gabinete a bini ku mas medida pasobra hopi hende no ta kumpli ku e distansia sosial. Den fin di siman polis mester a intervení na playa, markt i parkenan kaminda siudadanonan a aglomerá na gran kantidat. Esaki sigur lo tin komo konsekuensia ku e vírùs ta bai sigui plama. E kantidat di pashèntnan den kuido intensivo a subi ku 82 di 105 pa 487. A amplia e kantidat di kama di kuido intensivo di 575 pa 925.