Sto Domingo no a laga avion aterisá pa buska e yunan di Kòrsou

170
Avion JET AIR  mester a regresá Kòrsou sin por a aterisá na Sto Domingo.
Repúblika Dominikana— Un avion ku a sali di Kòrsou pa bai buska e yunan di Kòrsou pega na Repúblika Dominikana mester a regresá sin por a hasi e aterisahe.

Ayera un vuelo a sali for di Kòrsou kual ta trata di JET AIR pa asina por a bai Repúblika Dominikana pa buska un kantidat di yu di Kòrsou ku einan ta pega na e pais. For di na Kòrsou ya a hasi e trámitenan pa aterisá pa asina por a buska e yunan di tera. Momento ku e avion tabata yegando Repúblika Dominikana nan a haña indikashon serka e toren di kontròl ku no ta permití niun aterisahe riba nan Plataforma i ku tin ku  bai bek. Esaki a pone ku e vuelo di JET AIR mester a regresá sin por a aterisá.•