Tenshon ta lantando entre sektor komersial i públiko

1213
Punda—Despues di e rueda di prensa ayera, un kantidat grandi di komersiante na Kòrsou no a keda kontentu. E tres ministernan ku a presentá nan pakete sosial no a duna muchu splikashon miéntras hopi a konsiderá e informashon suak sin kontenido.

Hopi komersiante a sinti nan mes preokupá pa nan mes i nan empleadonan. Prinsipalmente den turismo, horeca i komersio general e preokupashon ta haltu. Un kantidat di entre 16 mil pa 20 mil kupo di trabou na peliger serio, lokual ta un sifra históriko na Kòrsou. Demanda general na Kòrsou ta bai baha asina e desempleo bira un realidat na final di aprel miéntras gobièrnu no a duna un bista klaro kon tei solushoná e problema. Ayera ministernan di Finansas Públiko, Labor i Ekonomia a laga e mensahe bon atras: “nan preokupashon no ta konsiderá sektor privá”.