Dama detené den poseshon di droga

441
Willemstad—- Polisnan a logra di detené un dama na altura di un snek na Kwartier ku tabata den poseshon di droga.

Ayera e tim di Handhaving a realisá un kantidat di kontròl den oranan di anochi. A kore yega na Yolanda snek na Kwartier pa asina por a realisá un kontròl. For di na yegada di e tim di Polis a tuma nota ku un dama a kuminsá aktua un poko basta nervioso. Esaki a pone ku Polisnan mesora a aserka e dama pa asina e por a wòrdu kontrolá. Den su poder e tabatin un tas i na momento ku a habri e tas pa kontrolá den esaki a bin topa ku un kantidat di droga kla prepará. Mesora e dama a keda detené pa violashon di e lei di opio i a bai warda kuné na unda a presente dilanti un fiskal Ousiliar.