Eksamen sentral skolnan sekundario kanselá

88
eksamen di skol ta determinante pa diploma
DEN HAAG—E eksamennan sentral di skolnan sekundario a keda kanselá pa e aña aki, asina minister Slob a disidí den konsulta ku representantenan di enseñansa.

Skolnan mester bai disidí a base di eksamennan di skol si alumnonan a slag. Nan ta haña te komienso di yüni pa laga e alumnonan traha nan eksamennan di skol. E desishon ta segun e medidanan mas stringente di corona. E eksamennan di skol ta pruebanan ku ta hasi durante aña eskolar. Nan ta konta pa 50% pa eksamen sentral. Minister Slob a enfatisá ku skolnan sekundario ta haña un diploma rekonosé. Eksamennan práktiko i digital den vmbo ta kanselá meskos ku pa enseñasa pa adulto. Eksamennan di estado (staatsexamen) si ta sigui. Mas aleu e minister a duna un luna mas komo deadline pa mèldu pa skolnan avansá i universidatnan. Skolnan por hasi e eskamennan pero mantene distansia. Nan ta haña mas tempu pa organisá esaki. Minister Slob ta warda resultadonan di un investigashon riba kontaminashon di coronavirus bou di hóbennan den Noord-Brabant. Skolnan mester sigui reglanan di RIVM.