Granada i Dominica ku nan promé kasonan positivo di coronavírùs

460
Ámbos personanan ku a tèst positivo a regresá di un biahe for di Reino Uní.

GRANADA I DOMINICA – Granada i Dominica a konfirmá nan promé kasonan positivo di COVID-19, komo e dos último paisnan den Caribe di registrá kasonan di e vírùs.

E kaso positivo di Granada ta di un muhé ku a biaha resientemente pa Reino Uní i a regresá bèk na e isla dia 16 di mart tras di lomba. Miéntras ku e promé kaso positivo na Dominica tabata di un hòmber di 54 aña, kende tambe a yega resientemente for di un biahe tambe na Reino Uní.

Outoridatnan sanitario di Granada a detayá ku e muhé ku a tèst positivo a kuminsá sinti e síntomanan relashoná ku coronavírùs e dia siguiente di su yegada na e pais.

E muhé a keda poné den karentena i outoridatnan ta buska kualke pèrsona ku por tabatin kontakto físiko ku esaki.

Di otro banda a splika ku e hòmber ku a tèst positivo a keda poné den karentena na su kas i ta bou di vigilansia médiko. No opstante no a duna informashon di ki dia esaki a regresá bèk for di su biahe. Sinembargo si a indiká ku outoridatnan a inisiá ku e proseso pa identifiká kualke persona ku por tabatin kontakto físiko ku esaki.