Hòmber ku a resistí kontròl di polis detené

300
Willemstad— Polis a haña nan ta detené un hòmber ku kier a opstakulisá nan trabou durante di kontròl den e establesimentunan.

Ayera den oranan di anochi Polis a bai na Toko Fruteria Sana Martin pa asina por a realisá un kontròl. A tuma nota ku  doño di e toko a tuma tur prekoushon nesesario na unda a sera e parti kaminda tin banki pa no sinta i òf forma aglomerashon. Tambe asta tabatin baki ku awa i habon pa laba man promé ku drenta e negoshi tambe na momento ku ta bandoná esaki manera ta wòrdu preskribí e dianan aki. Paden tambe tur pèrmit i dokumentonan tabata na òrdu. Ora ku Polis a kuminsá ku nan kontròl den e toko nan a tuma nota di un hòmber na unda a indik’é ku ta bai tin un kontròl den e negoshi i si ku ainda e tin ku hasi su kompra e hasié debí ku e tin ku bandoná e negoshi. E hòmber ku no a keda kontentu ku loke e polisnan a bisé unda despues a bin un tiramentu di palabra pa na final e la keda detené i a bai warda kuné.