Kurpanan sin bida rekuperá den bibiendanan pa ansiano

95
Kada dia di nobo e sifra ta bira mas i mas haltu di tantu personanan infektá komo mortonan registrá.

SPAÑA – Sòldánan spañó ku tabata desinfektá bibiendanan di ansiano a haña nan terorisá na momentu ku nan a topa ku residente nan den kondishonnan miserabel entre e kadavernan. Ta trata aki di personanan ku ta sospechá ku a fayesé di coronavírùs.

E minister di Defensa Margaritha Robles a indiká ku e ehérsito a deskubrí ansianonan bandoná riba nan kamanan. A añadí ademas ku e deskubrimentu a keda hasí na diferente bibienda di ansianonan pero no a indiká kua presisamente i tampoko a duna un sifra di kurpa hañá.

E notisia aki ta keda produsí na mesun momentu ku Spaña a anunsiá oumento di tantu e number di kasonan komo e number di mortonan pa coronavírùs. E gobièrnu a anunsiá 6.584 kaso nobo, ku e total ku a alkansá 39.673. E sifra di víktimanan mortal tambe a registrá un subi rèkòrt, di 514, pa yega na un total di 2.696.

Esaki miéntras ku e kasonan registrá rònt mundu ya a surpasá 400 mil i esnan ku lamentablemente a pèrdè nan bida pa e motibu aki tambe a surpasá 18 mil rònt mundu.