Pareha detené pa estafa mionario ku ‘mondkapjes’

127
pareha kier a kobra sin hasi entrega di merkansia
DORDRECHT—Un hòmber i un dama di Dordrecht a keda detené pasobra nan kier a estafá un hospital pa miónes na ‘mondkapjes’.

E pareha di 27 aña a ofresé e hospital un karga grandi di ‘mondkapjes’ pero no tabatin intenshon di hasi entrega despues ku nan risibí e pago. Afortunadamente e hospital no a pèrdè su plaka segun polis. Djis prome ku a transferí e miónes polis a haña un señal di un banko di eksterior. Tabata trata di un transakshon finansiero inusual. Reshèrshi a start un investigashon i a deskubrí e estafa di e pareha. Nan a bisa ku nan ta entrega e merkansia pero ku mester a paga promé, segun un bosero. Den e tempu aki di krisis tambe kriminalnan ta hasi maluso di situashon di coronavirus. Pa e motibu aki polis ta bisa kompanianan, hospitalnan sea alerta, pasobra hopi lo purba.