Polis ku Meo ta para bendementu number ilegal

248
Willemstad— Polis huntu ku Meo a bai pa kontrolá na un snèk na Olindaweg na unda a bin topa ku bendementu di number ilegal.

Ayera den oranan di anochi e tim di Kontròl a bai na un snèk den Olindaweg pa asina por a kontrolá e dokumentonan. Na e snèk a tuma nota di un dama sinta den un SUV unda tambe a bai hasi un kontròl serka dje. Den su vehíkulo a bin tuma nota di un kantidat di bukinan di number pero e no por a mustra e pèrmit di ta kore i bende number riba kaya. Esaki a pone ku a konfiská tur e bukinan di number.  Tambe den Kwartier a bin topa ku un hòmber sinta dilanti di un toko ku su buki di number den man.

E tampoko no tabatin e pèrmit nesesario na unda mesora su buki tambe a keda konfiská. Sigur e dos bendedó di number aki lo tabatin ku tuma kontakto ku e klientenan ku a kumpra number pa bisa nan ku a konfiská nan buki promé ku e wega di number mes tuma lugá.