Prezunan kier pa GMN bin kontrolá kon deskuidá nan ta

Den kuadro di coronavírùs

251
WILLEMSTAD—Den kuadro dje irealidatnan pa lokual ta trata coronavírùs redakshon di Vigilante a keda aserka pa detenidonan ku tin nan reklamo.

Nos a kombersá ku unu ku tin un ròl di lider bou dje prezunan kende a duna di konosé na Vigilante ku e bewakernan nan ta hasi wega ku e kos di coronavírùs. Nan a mustra Vigilante ku e prezunan ta hopi rabia ku e sistema. Segun nan,  ni e bewaker nan no ta higiéniko. Ta asina ku nan no tin hanskun ni nada pa limpia man.  Nan ta bin for di pafó habri porta i mishi yen kaminda, mishi ku nan baki di kumindanan, habri nan kontrolá sin mondkapje. Nan a sigui Vigilante ku nan ta hasi esaki sin hanskun i ku nan ta paga tinu ku nan no ta ni laba man ni usa desinfektante pa limpia man. Mas aleu e lider di prizòn a mustra Vigilante riba e echo ku djaluna un bewaker di Blòk 8 a bin trabou despues ku un familiar di dje a yega for di Hulanda i ku biba ta huntu kuné den kas. Nan ta puntra nan mes ken ta kuida nan sera na SDKK. Den kaso dje bewaker aki e la duna di konosé na Vigilante ku nan a mand’é kas, paso ku e kos aki yega prizòn kos ta bira serio ya ku tur hende lo hañ’é. Segun e la sigui indiká na Vigilante ku no tin kos di limpia den e sentro penitensario. No tin higiena mes. Yen hende grandi ku otro hende ku falta  lunanan so  pa sali for di ei den. Nan ta puntra dikon no ta hasi un periodo di grasia i laga nan bai pa kuminsá baha aglomerashon di hende den prizon pa  hasi algu ku e higiena pa nan mes i pa e trahadónan di prizon tuma e kos aki mas na serio. Nan a manda bisa Urny Floran pa e basta ku gañamentu i ta pidi pa GMN bin tira un kontròl pa nan mes mira, kiko ta e situashon di higiena na SDKK. Nan ta mustra riba e echo ku nan komo prezu tambe ta hende i ku mester kuida di nan.