Ta hasiendo investigashonnan riba pashèntnan corona pa remedi

102
90 investigashon registrá pa solushon corona
UTRECHT—Mundialmente tin 90 investigashon registrá den kua ta investigá e seguridat i efektonan di remedinan serka pashèntnan ku corona.

Na Hulanda tin e promé investigashon riba e pashèntnan i lo sigui mas. Ta krusial pa ehekutá e testnan klíniko pasobra te ainda no tin ningun remedi ku ta efektivo riba pashèntnan di corona i no tin ningun vakunashon ku a keda aprobá. E investigashon ta fokus riba dos remedi. Unu mester wanta e vírùs manera anti-malaria chloroquine, hydroxychloroquine ets. Di otro banda ta traha riba remedinan pa e sistema imunologiko. Serka algun pashènt di corona e sistema imunologiko ta reakshoná asina fuerte ku e ta brua e sistema. Esaki ta kondusí na mal kondishon i kaida di organonan. Remedinan ku lo por yuda ta anakinra i tocilizumab. No tin ningun remedi ku tin bon resultadonan di tratamentu di estudio sientifiko serka pashèntnan. Tin informashon di China kaminda a trata 100 pashènt ku anti-malaria, di kua 2/3 parti a reakshoná bon riba chloroquine, pero no tin informashon di e efektonan. Ta spera mas klaridat siguiente lunanan di e diferente remedinan ku ta tèst.