Back to Top
Responsive image
E korant di pueblo

4 sospechoso detené pa arsenal di arma


June 19, 2020 • 1 minüt pa lesa

HOOFDDORP—Den entradanan na Hoofddorp, Hillegom, Meppel i Breukelen polis a detené 4 sospechoso ayera mainta.

Nan ta detené pa interogashon. E detenshonnan ta relashoná ku un investigashon ku a start for di mart 2019 despues di konfiskashon di un arsenal di arma na Hoofddorp. Den e bario Graan Visch a haña diferente arma outomátiko den un garashi. Tabata komienso di un investigashon di reshèrshi amplio riba kriminalidat. A haña arma den un bario i esaki nos no kier, segun un bosero polisial.

E armanan aki ta keda usa den likidashonnan. E delitonan pa kua a detené e sospechosonan ta grave segun fiskal. Outoridatnan a haña armanan outomátiko i silensiadonan, tur ta material pa krímen. Tambe a konfiská eksplosivo den e garashi den bario, ku ta sumamente peligroso. Explosieven Opruimingsdienst EOD mester a yega na e sitio pa desaktivá eksplosivonan.

Mas lat den siman lo presentá e sospechosonan dilanti hues komisario pa prolongashon di nan detenshon. Anteriormente ya a detené dos persona den e investigashon. Polis a haña un tep riba posibel plantashon di mariwana i a bai topa armanan den un outo hòrtá. OM a start un investigashon amplio.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.