Back to Top
Responsive image
E korant di pueblo

Atrako riba famia chines na Jandoret


April 30, 2021 • 1 minüt pa lesa

Jandoret- Den oranan di anochi polis mester a risibí informashon di un kaso di atrako ku a tuma lugá na Holiday Bar Restorant na Kaminda Amado Romer unda e famia chines mester ta biba.

Ta trata di 5 tipo ku mester a kibra e kandal di e negoshi drenta den esaki. Nan a bati na e porta di e kas i aki un di e habitantenan mester a bai habri sin sa kiko tabata pasando. Na e momentu ei nan a logra di drenta den e kas unda e famia asiátiko ta biba. Momentu ku nan a drenta den e kas nan a mara un di e personanan na man i pia. Un di e tiponan tabatin arma di kandela den su poder. Bou di menasa di esaki nan mester a logra di kometé e atrako unda a bai ku plaka, boternan di bibida, sigaria i algun artíkulo mas. Despues di nan akto nan mester a logra di sali parti patras di e negoshi i hui bai den un kaminda smal. E famia a keda basta spanta despues di e kaso di atrako. Atrako tim ta kontinuá ku investigashon den e kaso.

Login