Back to Top
Responsive image
E korant di pueblo

A duna òrdu na RdK i CRU pa buska pa haña mas lihé posibel e trayekto ku ta kanando ku KLESCH


June 24, 2020 • 3 minüt pa lesa

Willemstad,– Durante di konferensha di prensa èkstra ordinario ayera promé minister Eugene Rhuggenaah a elaborá tokante di e situashon aktual rondó di Refineria.

Promé minister a bisa ku e tema ta interesante i ku ta hinter pueblo ta kunbiní ku e situashon.

Gobièrnu di Kòrsou a duna mandato pa hasi tur esfuerso pa tene refineria operashonal i mantené e kuponan di trabou na e refineria den transkurso di e último añanan.

Señor Rhuggenaath ta bisa ku tabatin diferente kontratempu pero a sa di perserverá. Den último periodo apesar ku refineria no tabata traha na su máksimo kapasidat, tòg a opta pa RdK mantené e kuponan di trabou i tambe e ekspertisio di rekurso humano den e industria petrolero pa un periodo di 6 luna ku ya ta tras di lomba, sperando e traspaso di e operadó nobo ku ta KLESCH.

Promé minister ta sigui splika ku fin di aña tabatin perspektiva kaminda tabatin akuerdo ku KLESH kaminda a kuminsá kaba pa hasi e traspaso na mitar di e aña aki i tambe un posibel “start-up” di e refineria den fin di aña, pero lástimamente realidat ta otro i a presentá un realidat amargo ku yegamentu di e pandemia di Corona vírùs i esaki a impaktá tambe naturalmente e merkado mundial petrolero.

Señor Rhuggenaath ta sigui bisa ku ta un industria ku normalmente ta fuerte i hasta e aña aki lo tabatin posibilidat pa nos a produsí marine oil, pero tur esaki a desbalansá i ku hasta e operadó nobo mester a ekstende su entrada aki na Kòrsou.

Seis luna pasa Kòrsou a haña un otro reto kaminda no por mantené tur hende na refineria mas, paso RdK finansieramente no por wanta esaki mas. RdK i CRU no tin entrada i ta masha difísil pa mantené vários di kuponan di trabou ku no ta produktivo.

Señor Rhuggenaath ta sigui splika ku esaki semper ta un desishon hopi difísil pa tuma i no ta algu ku niun hende lo a  deseá pa otro, p’esei ta importante pa duna espasio na esnan ku ta pasando momentunan doloroso i fastioso.

E ta sigui enfatisá ku ta bon pa kumbiní pa duna espasio na esnan ku ta bai i esnan ku ta keda. “Nos ta den un situashon difísil i ku hopi reto i ta lástima ku tin hende tin ku entregá mas ku otro, no opstante ku tur reto ku a presentá, nos a sa di bini bèk i siguí i p’esei mi ta bisa ku Kòrsou lo no entregá, paso komo promé minister mi kier solushon pa pais por krese i yega bèk na prosperidat i ku tur hende tin nan empleo pa biba un bida digno. Pero na e momentunan difísil aki mi ta pidi tur esnan ku a pèrdè trabou pa no deskurashá, tin perspektiva i ban sigui lucha. Mi sa ku mi palabranan no ta sufisiente pa suavisá e doló, pero no mester sostené otro na e momentunan aki i mantené nos espíritu haltu pa huntu krea speransa sigur pa esnan ku mas mester di un man”, asina promé minister a bisa ayera durante di e rueda di prensa.

El a splika ku ta pa esei tambe nos mester tuma akshonnan konkreto, pues no por para ketu i keda man krusá, hasi nada no ta un opshon. E ta bisa ku el a pidi RdK pa bai aserká e prosesonan pa nos hendenan por sigui kuida nan mes i na famianan. El a pidi pa buska pa haña mas lihé posibel e trayekto ku ta kanando ku KLESCH, pa asina nos sa kiko konkretamente por spera den e próksimo tempu.

Tambe el a pidi pa operá e fasilidatnan di CRU mas optimal ku ta posibel pa asina krea mas entrada pa entre otro nos ekonomia. Por último promé minister a bisa ku konkretamente a pidi RdK i CRU tambe pa desaroyá e otro áreanan ku RdK ta disponé di dje ku no ta refineria so pa asina generá entrada i pa poulatinamente bin tuma mas hende na trabou.

FRONTERA HULANDA

Señor Rhuggenaath a djis bisa ayera ku nan disidí ku por konfirmá ku e fecha ku tabatin komo meta esta 1 di yüli, frontera lo ta habri pa Hulanda i West Oropa.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.