Back to Top
Responsive image
E korant di pueblo

A lokalisá eks futbolista/tékniko ku tabata pèrdí na Boneiru


May 22, 2020 • 1 minüt pa lesa

BONEIRU—For di djarason último den oranan di atardi, e konosido eks futbolista i aktual miembro di e kuerpo tékniko di e ekipo di Estrellas, Enoc Melaan, tabata pèrdí. Un ke otro na e isla di Boneiru, despues ku e la bai mondi ku konosí pa por a yag yuana.

Segun informashonnan risibí, nan lo a pèrdè for di otro den mondi, unda ku su persona no a logra regresá. Mesora a bati alarma i a inisiá ku un búskeda, den e oranan di atardi lat di djarason, kual a kontinuá tambe ayera for di den oranan trempan di mainta.

Esaki ku yudansa di entre otro miembronan di famia, amigu i konosínan i inkluso outoridatnan di e isla i di e helikòpter di Warda Kosta.

Tabata algu promé ku 1’or di trai mèrdia ayera, ku personal di Warda Kosta ku tabata parti di e búskeda abordo di e helikòpter, a bin señalá un persona den e mondi  di Rincon pabou, kende a resultá di ta Melaan, ku seguidamente a keda reskatá ku un pia frakturá.

Enoc Melaan di 40 aña di edat, ta un señor mediokampista, kende ta hunga riba posishon 6. E tabata parti di entre otro e ekiponan di Estrellas i Atlétiko Flamingo, komo futbolista den divishon máksimo na e isla di flamingo i aktualmente ta asistente tékniko di Estrellas i alabes futbolista den kategoria veterano ku e ekipo di Nort Saliña Vets.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.