Back to Top
Responsive image
E korant di pueblo

A premirá ku despues di elekshon e sifranan di infekshon lo a subi


April 1, 2021 • 2 minüt pa lesa

Kada un persona infektá ku e vírùs por infektá un otro persona 1.5 diariamente i asina e ta sigui bai.

Willemstad—Dr. Izzy Gerstenbluth a indiká durante e rueda di prensa ku Gobièrnu di Kòrsou a tene ayera ku na e momentu nan aki e eksepshon di e R awor aki ta 1.5 i ku esaki ta sumamente haltu. Esaki ta e faktor di replikashon i esei ta pas na e vírùs nobo e mutuashon nobo.

E faktor di replikashon aki ta hopi haltu i p’esei e ta plama lihé, paso e por plama mas lihé serka otro i dje lihé ei ku nos a logra di yega 1.5. Kada un persona infektá ku e vírùs por infektá un otro persona 1.5 diariamente i asina e ta sigui bai. Izzy a bisa ku hopi persona ta bisa ku for di dia a kuminsá bakuna e sifra nan di persona nan infektá ku Covid a kuminsá subi. E la splika ku esaki no ta bèrdat i ku for di dia e variante nobo a bini Kòrsou i ku e replikashon a bira 1.5 e persona nan infektá a subi.

Segun Izzy no por bai wak riba e pronostikashon paso ya esaki a surpasá e hospitalisashon di ayera kaba.

Despues di 20 di Mart último RIVM a hasi prognostikashon nan ku ta indiká ku nos lo bai yega por lo ménos 500 persona infektá pa dia i awor nos a yega. Esaki ta e proyekshon nan basa riba e R ku ta 1.5. Por lo pronto esaki lo por keda subi debí na e motibu nan ku Izzy a menshoná ariba. Ku e efekto ku ta mirando awor aki ta dor di suseso nan ku a pasa di 1 pa 1,5 siman pasa.

Tambe Izzy a bisa ku 10 pa 12 dia pasa tabatin elekshon i a premirá i bisa ku despues di e elekshon e sifra nan lo bai oumentá i bira mas tantu. E la bisa ku dia di elekshon pe tabata un horor paso e tabata sa ku e sifra nan lo a subi. Durante elekshon hopi hende riba otro sin distansia sosial i tambe tur hende ta mishi ku otro esaki lo trese subida drástiko aki.

Izzy a splika ku e pronóstiko di hospitalisashon no ta klòp paso esei ta loke modelo nan a bisa kiko lo a sosodé pa dia nan despues di 20 di Mart pero e kalkulashon a bai malu. Paso a pronostiká ku ayera lo por a yega na 10 hospitalisashon pero ya ayera so a yega na e kantidat ku a pronostiká ku nos lo a yega aki 20 dia. Mester a tuma medida pa e kantidat nan aki no frena i bira mas tantu di un manera ku no por hèndel mas. Pero ta konsiente ku esaki lo bai sigui subi i p’esei a pone man duru i a tuma e medida nan ku tin na e momentu nan aki.

Login