Back to Top
Vigilante banner image

Akusado den kaso “Zonnebloem” pendiente pa bai korte apelashon den kaso RDK


June 15, 2021 • 2 minüt pa lesa

Isidora ta pendiente pa e kaso “Lacerta” ku a bai korte di apelashon i tambe tratamentu di kaso “Zonnebloem”

Nieuwe Haven— E akusado Ashley Isidora mester a presentá ayera den korte pa tratamentu di e kaso “Zonnebloem” unda ku tin un total di 2 akusashon den su kontra. Ta akus’é di a soborná un persona ku tabata traha na SVB i tambe ku e tabata na kabes di un empresa di entidat di krédito sin outorisashon di Banko Sentral. Aparte di e kaso aki e ta pendiente pa tratamentu di e kaso kontra di RDK den korte di apelashon.

Ta akusá Isidora ku den e periodo di 1 Yanüari 2014 pa 31 di Aprel 2015, sabiendo ku e dama M.S ta trahando komo Akountent/ mènedjer di finansiá na Stichting Wit Gele Kruis a soborn’é ku alrededor di alrededor di Naf. 250.000 pa asina e por a tapa e debe ku e instituto tin na SVB alrededor di NAF. 700.000. Tambe ta akus’é ku den e periodo di 1 Yanüari 2015 pa 21 Desèmber 2017 lo a bankia sin un pèrmit na Banko Sentral. Ayera e kaso “Zonnebloem” a yega korte pero esaki tabata komo Pro Forma unda ku Isidora a splika wes ku niun di e akusashon nan ku tin den su kontra no ta kuadra. Su abogado mr. Blonk a hasi un petishon na korte pa por skucha dos di e testigu nan i tambe  dama ku e la soborná.

Aparte di e kaso aki Isidora ta pendiente pa bai korte di apelashon pa un otro kaso ku tin den su kontra. Ta trata aki di e kaso “Lacerta” unda ta un kaso di korupshon durante e proyekto Arawak pa logra hañá un sosio stratégiko pa Refineria di Kòrsou.  E yunan di Kòrsou, Igor Cijntje, Ashley Isidora, Michel Kinburn i Roderick van Kwartel ta e akusadonan i ta pendiente un tratamentu di korte penal den apelashon despues di nan kondena den korte di Promé Instansha. E keho kual a kondusí na persekushon di e yunan di Kòrsou, tabata na enkargo di Gilbert Martina, kende ta Presidente Hunta di Komisario na RdK. Segun Martina, su keho no tabata dirigí riba e yunan di Kòrsou sino mas bien riba aktonan koruptivo. ku a tuma lugá durante e trayekto. Anke tin indikashon kontrali ku Martina lo a duna un keho spesífiko kontra di e yunan di Kòrsou.

Despues di ku nan van Kwartel a skucha un kondena di 36 luna, e consultant Ashley Isidora i eks trahadónan di RdK Gilbert Igor Cijntje i Michel Kinburn a skucha un kastigu di 30 luna di prizòn nan a disidí di bai apelá. E kaso lo wòrdu trata dia 1 di Yüli binidero.

Login