Back to Top
Responsive image
E korant di pueblo

Arma na kabes di víktima a but’é kere ku ei nan su bida a terminá


June 26, 2020 • 2 minüt pa lesa

WILLEMSTAD,—- E víktima ku lo a buta arma kandela na su kabes na final di Parada di Tiner, a bisa wes den kua situashon el a keda despues di e suseso. El a splika ku el a keda basta spantá, despues ku a buta arma kandela na su kabes, kual el a indiká ku e dia ei el a pensa ku tabata su lastu dia di bida. El a bisa ku te ku dia di awe esaki ta un trouma pe i ku pa esaki el a presentá na korte pidiendo daño perhuisio.

 E víktima a indiká ku e por rekonosé e arma kandela ku a keda konfiská komo esun ku a buta na su kabes mirando ku esaki tambe tabatin un laser koló bèrdè. E víktima a bisa ku netamente pa e situashon di spantu ku el a keda aden el a presentá na korte pa haña daño perhuisio. El a splika ku el a mira e mesun Glock ku a keda konfiská i ku Recher Lacroes ta esun ku a buta esaki na su kabes, pa tuma e arma ku el a kita for di dje bèk.

El a bisa wes ku despues ku Recher a buta e arma ku probablemente ta pertenesé na Rashid Hato na su kabes no a kede niun opshon di tuma duna nan e arma kual, el a keda ku basta spantu den su kurpa. El a bisa ku e promé biaha ku Lacroes a presentá ku un arma el a logra kita esaki, pero despues Lacroes lo a presentá ku un otro arma kandela ku lo ta pertenesé na Hato i a buta esaki na su kabes. Awe den ora nan di mèrdia wes lo disidí ku e víktima lo haña e petishon di daño perhuisio ku e la hasi.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.